Поранешниот австриски канцелар и конзервативен челник, Себастиан Курц и неговата Народна партија победија на денешните вонредни парламентарни избори во Австрија, но ќе им биде потребен коалиционен партнер за составување на стабилна влада.

Според првичните резултати, Народната партија освоила 37,2 проценти од гласовите, втора е Социјалдемократската партија со освоени 22 проценти, додека трета е Слободарската партија со 16 проценти.

Следат Зелените со освоени 14, 3 проценти и либералите со освоени 7,4 проценти од гласовите, соопшти агенцијата „СОРА“.

Победничката партија има на располагање неколку опции за коалиционен партнер кој ќе овозможи стабилно мнозинство.