Рибар од Алјаска обвинет за сексуален напад врз неподвижна жена, ја лажирал својата смрт за да ја избегне затворската казна, но сепак ќе треба да одлежи 2,5 години затвор.

Рајан Меганак, во 2016 година бил обвинет за сексуално злоставување, но кусо потоа го потопил својот брод, па се вратил во куќата на неговата мајка во градот Порт Грејм, каде што се криел во намера да побегне од Алјаска.

Крајбрежната стража потрошила 384.261 долар за двегодишната потрага по 35-годишниот Меганак, откако неговата девојка, која знаела дека тој се обидува да инсценира смрт, го пријавила кај локалните власти.

Планот му пропаднал, па тој ќе мора в затвор и за лажирање на својата смрт.