Државната служба за катастрофи објави дека рекордно високи температури се измерени во повеќе индиски држави. Во главниот град на Индија , Делхи , се измерени рекордни 48 степени , што е историски највисока температура.

Во градот Чару во северозападната држава Раџастан се измерени рекордни 51 степен.

,,Ова е најстрашен топлотен удар досега. Во 2015 топлотниот бран беше забележан во девет држави , а сега зафати 23. “ , рече експертот за клима Ануп Кумар Сривастава.

Западните и јужните делови на Индија дополнително се соочуваат со недостиг на вода поради предолгиот сушен период.