Писмо на две страници, напишано од Алберт Ајнштајн, во кое го предупредува Френклин Рузвелт дека нацистичка Германија може да користи нуклеарно истражување за да изгради атомска бомба,  е продадено на аукција на 10 септември за 3,99 милиони долари, според веб-страницата на Кристи.

Првично, проценетата вредност на документот беше од 4 до 6 милиони долари.

Во писмото, Ајнштајн предупредил дека германската влада активно ги поддржува нуклеарните истражувања и дека на крајот може да изгради „екстремно моќни бомби“ како оние користени од страна на САД на крајот на Втората светска војна.

Ајнштајн ја повикал американската влада да започне сопствена нуклеарна програма. Рузвелт одговори со формирање комисија која беше претходник на Проектот Менхетен на Роберт Опенхајмер, кој ги разви двете бомби фрлени на Хирошима и Нагасаки, Јапонија, на крајот на Втората светска војна, во чин што се смета за вовед во нуклеарната ера.