Јапонката Наоми Осака е нова шампионка на Австралија Опен и новата лидерка на светската ВТА листа.

Јапонката, која беше четврта носителка на првиот Гренд-слем турнир за годинава, победи со 7:6 (2), 5:7, 6:4 против осмата носителка, чешката тенисерка Петра Квитова, во возбудлив дуел на „Род Лејвер Арена“.

Дуелот беше и директен дуел за првото место на светската ранг-листа, а со триумфот, Осака ја замени досегашната лидерка и минатогодишната финалистка во Мелбурн, Симона Халеп.