Најдобриот српски тенисер Новак Ѓоковиќ е елиминиран од тенискиот турнир во Мадрид.

Тој беше поразен од италијанскиот тенисер Матео Арналди со 3:6, 4:6.

Размената на брејкови беше видена на почетокот од првиот сет, а драмата на теренот траеше до осмиот гем. И потоа, со неразбирливи грешки, Ѓоковиќ му подари поени на Италијанецот, кој брејкираше, а потоа лесно го доби првиот сет.

Резултатската клацкалка се одвиваше во вториот сет, сè до седмиот гем кога Арналди го брејкираше и го стави Новак во многу незгодна ситуација од која не можеше да се извлече.