Олимпискиот комитет објави  во кој состав е отпатувана македонската делегација на ОИ во Токио.

Објавата следи откако беше обелоденето дека првиот човек Даниел Димевски, заедно Генералниот секретар Сашо Поповски и со Директорот на АМС, Наумче Мојсовски, и во услови на пандемија вметнале свои блиски лица на списокот за приоритетна вакцинација како дел од олимписката делегација. Во реакција на МОК се потврдува дека Димевски, Мојсовски и Поповски се наоѓаат во Токио со придружба, но се наведува дека трошоците се покриени од страна на ИОК.

Реакцијата на МОК ја пренесуваме во целост:

Со цел веродостојно информирање на јавноста, Олимпискиот комитет на Македонија информира дека Олимписката делегација за Олимписките игри ТОКИО 2020, кои се сместени во Олимпиското село во Токио, е во состав:
1. Владимир Богоевски – Шеф на делегација
2. Небојша Настов – доктор
3. Дејан Георгиевски – спортист
4. Дарко Костовски – тренер
5. Борче Костовски – тренер
6. Филип Додевски – спаринг партнер
7. Миа Блажевска Еминова – спортист
8. Филип Деркоски – спортист
9. Илија Стојановски – тренер
10. Јован Стојоски – спортист
11. Марина Мишиќ – тренер
12. Борјан Бранковски – спортист
13. Јордан Тасевски – тренер
14. Пулексенија Јованоска – спортист
15. Стојан Aндриевски – тренер
16. Арбреша Реџепи – спортист
17. Горан Мицкоски – тренер
18. Магомедгаджи Нуров – спортист
19. Могамед Ибрагимов – тренер
Сите погоре наведени се сместени во Олимпиското село во Токио.
Согласно правилата на Меѓународниот олимписки комитет, официјални гости за кои трошоците за престој и пат ги поднесува исклучиво ИОК се Даниел Димевски – претседател, Сашо Поповски – Генерален секретар, Наумче Мојсовски – висок државен претставник, сите со по еден член во придружба.
Ова е комплетниот состав на македонската делегација во Токио.
Олимпискиот комитет на Македонија ниту има закупено хотелски соби нити има платено какви и да се финансиски средства за оваа намена која е во целост финансиски покриена од страна на ИОК за сите погоре наведени лица.
Во услови на засилени и строги мерки заради глобалната пандемија КОВИД – 19, кога сите движења се ограничени до максимум, кога излезот на спортистите надвор од Олимпиското село не е дозволен, туку можни се само настапи на спортските натпревари, а официјалните лица не смеат да излагат од хотелот, нивниот престој е исклучиво во работна функција и договарање на нови Олимписки програми и проекти за кои дополнително и детално ќе информираме.