Швајцарскиот тенисер, Роже Федерер го потврди своето учество на „Мастерс“ турнирот во Шангај, кој ќе се одржи од 7-ми до 14-ти октомври.

Носителот на 20 Гренд-слем титули, ќе брка трет трофеј од турнирот, откако во 2014 година го порази Жил Симон, а лани се справи со Рафаел Надал, што значи дека ќе треба да брани 1.000 поени.

Федерер ги пропушти турнирите во Шенжен, Шенду и Пекинг по „Лејвер Купот“, но ќе биде подготвен за најголемиот настан на азиската турнеја на календарот.

Швајцарецот исто така триумфира во Шангај во 2006 и 2007 година, кога градот беше домаќин на еквивалентот на финалниот турнир за сезоната – „ATP Masters Cup“.