Српскиот кошаркар, Богдан Богдановиќ, погоди тројка со истекот на сирената со што му донесе победа на Сакраменто кингс против Лос Анџелес лејкерс со 117-116.


Со тој кош, Богдановиќ предизвика ерупција на радост во салата, а имуни на емоциите не останаа ни двајцата официјални коментатори на клубот Даг Кристи и Грент Нејпир, кои не се воздржаа да го искажат задоволството од триумфот над големиот ривал.


Освен со победничкиот коп, Богдановиќ беше најзаслужен за триумфот и со тоа што беше најефикасен во својата екипа. Иако не беше дел од почетната петорка, популарниот „Боги“ натпреварот го заврши со 23 поени.

Резултати од синоќешните натпревари

Сакараменто – ЛА Лејкерс  117-116

Хјустон – Бостон  127-113

Милвоки – Њујорк  112-96

Јута – Филаделфија  97-114

Голден Стејт – Портланд  109-110