Поранешен министер на Бугарија: Внесувањето на Бугарите во Устав ќе значи право на свој јазик, култура, но и квоти во државната администрација

Бојко Ноев, поранешен бугарски министер за одбрана за EUalive коментира што во пракса ќе значи внесувањето на Бугарите во македонскиот устав..

На прашањето зошто Брисел се чини дека зборува со контрадикторни гласови изјави дека ставот на ЕУ усвоен во 2022 година не ѝ се допаѓа на владата на националистичката партија ВМРО-ДПМНЕ на Мицкоски, бидејќи експлицитно ја посочува потребата од уставни гаранции за рамноправност на македонските Бугари, заедно со сите други етнички групи таму.

„По децении репресија и ограничувања, признанието дека во Република Македонија живеат Бугари, а само оние кои добиле бугарско државјанство по потекло се над 100 илјади, е тежок удар врз националистичката политика на Македонизмот“, коментира Ноев.

Уставната рамноправност за Бугарите значи нивно право на свој јазик, култура, квоти во државната администрација и голем број други експлицитно регулирани права – како и за сите други, рече Ноев.