За време на разговорите, колегите од Скопје се однесуваа како Бугарија да е кандидат, не тие. Ова го изјави вицепремиерот и министер за одбрана Красимир Каракачанов за време на неговото сослушување во Националното собрание за Северна Македонија.

Тој истакна дека со текот на годините, Северна Македонија има лицемерна и непријателска политика кон Бугарија, пишува Новини.бг.

Според него, фактите од договорот покажаа дека по решавањето на проблемот со Грција, Северна Македонија започна да ги покажува своите рогови.

Ескалацијата на говорот на омраза расте преку медиумите и однесувањето на нивната дипломатија, но во исто време ништо не се смени во врска со една од клаузулите во договорот дека по одлуките на историската комисија, ќе има промена во нивниот образовен систем и учебници. Напротив, работата на комисијата по влегувањето на Македонија во НАТО беше буквално блокирана, објасни Каракачанов.