Една 67-годишна жена се здобила со тешки телесни повреди откако во неа удрило возило марка „Мерцедес“. По несреќата повредената И.П. била веднаш пренесена во Градската општа болница „8-ми Септември“, каде што и биле констатирани повредите.

Сообраќајката се случила на булеварот „Партизански одреди“, а како што информираат од полицијата „Мерцедесот“ бил управуван од 47-годишниот З.С. од Тетово.

Увид на местото извршила екипа од СВР Скопје.