Конторверзниот црногорски бизнисмен Миодраг Давидовиќ-Дака вчера беше ставен на американската црна листа.

Toj стана познат во Македонија по скандлот кој пред три години го објави потпреседателот на ВМРО-ДПМНЕ, Александар Николоски.Во него се спомнуваше дека , Давидовиќ сакал да гради огромен станбен и деловен комплекс врз поранешната фабрика ШИК Јелак во Тетово. За таа цел, како што се дозна од негов тајно снимен разговор со Зоран Милески – Зоки Кичеец, Давидовиќ се среќавал со шефот на кабинетот на Зоран Заев, Драги Рашковски, при што давал мито за да се забрза процесот на издавање дозвола за изградбата на комплексот.

На снимката, Давидовиќ се жали дека на Заев и Рашковски морал да им дава пари, наводно за референдумот за промена на името, а по се изгледа како мито. И покрај тоа што пукна скандалот, Заев подоцна јавно се фалеше дека помогнал советот на општина Тетово да го одобри проектот и да се овозможи изградбата на комплексот на Дака, која се запре дури по промената на локалната власт во Тетово.

Давидовиќ исто така беше вмешан во скандал кој доведе до апсење на секретарот на македонската Влада, Драги Рашковски, најблизок човек на поранешниот премиер Зоран Заев. Рашковски наводно примил мито од Давидовиќ за да овозможи средба со премиерот Заев, во полза на бизнис интересите на Давидовиќ, пишува во соопштението на американската Влада, во кое Заев е посочен, но не е и лично ставен на црна листа.

Давидовиќ во писмото на 30.6 2020 година самиот призна контактите со Заев му ги овозможил Зоран Милевски Кичеец.

Бизнисменот Зоран Милевски го запознав преку угледен белградски бизнисмен, кон крајот на 2016 година. Милевски ми е препорачан како сериозен деловен човек од Македонија, кој е во можност да ми ја пружи потребната поддршка и логистика, поради што и го ангажирав како консултант, преговарач и посредник, во деловни проекти кои сакав да ги реализирам во Република Македонија, пишува Дака.

Од сите ветувања,Кичеец единетвено му обезбедил средба со Заев.

 Милевски, и покрај сите ветувања и преземени обврски, не успеа да обезбеди ниту една дозвола, ниту презеде какви било активности за реализација на проектот во Општина Штип, единствено што стори за мене е што ми организираше состанок со премиерот Зоран Заев. Точно е дека на состанокот со премиерот Зоран Заев ги изложив своите планови во врска со изградба на мини хидроелектрана и паркови на енергија на ветер-призна Дака.