Пратеничката на СДСМ, Јагода Шахпаска, коментирајќи ги најавите на независната пратеничка група која ќе побара тестирање на пратениците за употреба на наркотични средства нагласи дека таа нема ништо против.

Таа ги повика институциите да постапат согласно овластувањата, случајот да се испита и да се постапува согласно законите.

Откако осумтемина независни пратеници  од ВМРО ДПМНЕ побараа в понеделник да дојде лекарски тим и сите пратеници доброволно да направат тест за (зло)употреба на наркотични средства на инсистирање на новинарите се огласи и Кабинетот на претседателот на Собранието Талат Џафери.

Оттаму велат дека претседателот нема да коментира изјави на пратенички групи.

Во моментот кога ќе пристигне конкретна иницијатива претседателот ќе ја разгледа, ќе се произнесе и ќе постапи согласно надлежностите што му ги обезбедува Уставот, Деловникот и Законот за пратеници-велат од Кабинетот на Џафери.