Значењето на Охридската архиепископија и МПЦ е огромно и непроценливо. Преку нејзината вековна мисија и традиција, македонскиот народ го зачувал својот јазик и својот идентитет. Но, и после толку поминати години, за жал сеништата од минатото повторно се појавуваат и го вознемируваат македонското битие, порача Митрополитот Повардарски г. Агатангел по повод 60 годишниот јубилеј од обновата на Охридската архиепископија.
Македонскиот народ според него е доведен во ситуација да се бори за уставното име на Татковината. Во услови на одрекување на македонската црковнаа афтокефалност и негирање на македонскиот национален идентитет.
Преку перфидни предлози и лицемерни решенија му се нуди на македонскиот народ самоукинување и автогеноцид. Овие современи Понтиј Пилати и апостоли на немирот, надоградени со заслепувачка безумна омраза и високото мислење на себе, со години ја пеплосуваат македонската душа, го вознемируваат и разединуваат народот по сите основи, потенцира Господин Агатангел.
Тој истакна дека македонскиот народ е умен, трпелив и сталожен и ги знае своите потреби и интереси, донесува правилни одлуки тогаш кога се загрозува неговото достоинство и неговото право на живот и постоење.
Во Охридската архиепископија пред повеќе од еден милиниум се удриле темелите врз кои се градел целиот напредок и сиот духовен развој на православниот народ во древна Македонија,затоа годинава,рече тој, ја прославуваме илјада годишнината од нејзиното формирање, рече Агатангел.
Comments are closed for this post.