Специјалното јавно обвинителство треба да биде дел од Државното јавно обвинителство, но да нема повластен статус што ќе привилигира некои обвинители, а ќе деградира други обвинители, смета ВМРО-ДПМНЕ. Обвинителствата,  како што се скопското Јавно обвинителство, и другите што се занимаваат со убиства, тежок криминал и други незаконити дејствија во Република Македонија имаат обврска и потреба исто така да добијат и буџетска поддршка и ресурси за нивната работа, изјави Антонио Милошоски денеска во Министерств ото за правда пред почетокот на преговорите за законот за јавно обвинителство.

Запрашан дали неговата партија останува на ставот СЈО да биде дел од Одделението за организиран криминал, да има државен обвинител на предлог на опозицијата и да престанат истрагите по законскиот рок, Милошоски кажа „ВМРО-ДПМНЕ не инсистира опозицијата да предлага државен јавен обвинител. Тоа беше предлог на премиерот Заев. Доколку смета дека треба да го исполни има мнозинство и нека го исполни. Доколку смета дека и во иднина државниот обвинител треба да го бира власта, нека остане така засекогаш, работите се менуваат за брзо време

За тоа дали ќе попуштат во нивните барања, Милошоски одговори дека менаџерот на процесот за постигнување на компромис е Министерството за правда и тие што треба да создадат атмосфера за компромис и наоѓање заедничко решение што Парламентот би го изгласал со консензус се власта и коалиционите партнери.

Се надеваме дека министерката ќе најде менаџерски способности да ги убеди сите чинители во овој процес  да стигнеме до заеднички компромис што нема да отстапува од позитивните прописи во Република Македонија и од судската пракса во Судот во Стразбур, изјави Милошоски.

Евроинтеграциските процеси и приближување кон Брисел го поддржуваат Оливер Спасовски и Емил Димитриев кои како власт и опозиција најдоа начин во рок од четири месеци да ги усогласат пакетот безбедносни закони. Тие кои задоцнија по однос на овој закон, како што беше министерката Дескоска, сметам дека тоа доцнење го направија намерно за евентуалното неизнаоѓање решенија да ни биде префрлено, како вина  за неуспехот што Владата го очекува, смета Милошоски.