Претседателот на  ВМРО-ДПМНЕ, Христијан Мицкоски посочи дека првиот круг од претседателските избори покажаа дека ВМРО-ДПМНЕ е најсилна партија во која веруваат граѓаните на Република Македонија.

Она што треба ние да констатираме после овие претседателски избори кои што ВМРО-ДПМНЕ е партија која што е број еден во Република Македонија, партија која што навистина во овие претседателски избори успеа да победи доминантно и освои 42.5% од гласовите од оние нашите сограѓани кои што одлучиле да гласаат на овие претседателски избори истакна Мицкоски за Канал 5.

Мицкоски додаде дека Коалицијата што застана позади професорката Гордана Силјановска Давкова односно околу идниот претседател на Македонија, не заборавајќи дека дел од партиите од коалиција „За подобра Македонија“ преминаа на страната на Зоран Заев се покажа успешно.

-ВМРО-ДПМНЕ заедно со кандидатот за претседател Гордана Силјановска Давкова очекува силна победа во вториот круг и претседател на Република Македонија, појасни Мицкоски.