Прославата за рамковниот договор наместо државна агенда, стана партиско политичка промоција, реагира ВМРО-ДПМНЕ.

Ако вистински се грижеа за духот на рамковниот договор тогаш парите од прославата ќе беа попаметно да се пренаменат и дадат за реконструкција на училиштата во тетовско, гостиварско, кумановско или за решавање на проблемот со вода за пиење во Тетово. А, секако најдобро ќе се искористеа и за сервисирање на канадерите за гасење на пожар. Наместо тоа коалицијата на власт даде предност на криминалот, наместо соживотот. Најголемата закана за рамковниот договор е токму власта која го поделува народот на тие кои се со нив и народот кој не е – велат од ВМРО-ДПМНЕ.

Партијата бара власта да одговори дали прославата на рамковниот и одложување на мерките заради прославата нѐ значи доказ за целосно политизирање на процесот и воедно лажната грижа за здравјето на граѓаните.

ВМРО-ДПМНЕ ниту претседателот Мицкоски нема да учествува во таквиот декор. Нема потреба од партиска предизборна парада во услови на тешка економска и здравствена криза, рамковниот договор е завршена работа. Парите можеше да се искористат за многу други цели – велат од партијата.