Еве нè тука илјадници.
Реки граѓани исправени и со гордо кренати глави, со име, со чест, со пркос, со емоција и со волја за борба која мора да донесе промени.
Никогаш Македонија не видела толку многу болка како овие години и затоа никогаш Македонија не видела толку многу луѓе што вечерва ги преполнуваат улиците на главниот град на Македонија!
Овој татнеж на судбини и крици на лична бол заради грдата реалност која ја создадоа ќе ги пробуди овие заспани бирократи!
Доаѓа крајот на овие нечесни луѓе од Владата какви досега овие три децении не сме виделе!
Од денес па натаму, нашиот глас ќе татни низ градовите и селата – ова е само една од пораките кои вечерва ги упати лидерот на ВМРО-ДПМНЕ, Христијан Мицкоски.

Вечерва се одржа голем протест под мотото Премногу е!, на кој според проценките излегоа околу 90 000 граѓани кои го искажаа својот револт од политиките на актуелната власт предводена од СДСМ и ДУИ!