Четвртоодделенците од ПОУ „Кузман Јосифовски на часот по општество, денеска ги посети градоначалникот на Општина Кисела Вода, Орце Ѓорѓиевски. Тој на учениците им објасни како практично функционира една локална самоуправа и кои се нејзините надлежности.

Основците беа заинтересирани и добија одговори за тоа како се бира градоначалник, кои се органите на Општината, како функционира Советот на локалната самоуправа и слични други прашања за кои учат по овој наставен предмет.

Покрај учениците од ПОУ „Кузман Јосифовски Питу”, средба со градоначалникот денеска имаа и основците од ООУ „Кирил Пејчиновиќ”. Тие со своите наставници дојдоа во дворот на Општина Кисела Вода, каде имаа можност да прашаат она што ги интересира.


Градоначалникот воедно со нив сподели детали од своето детство, но и побара да му кажат како најмлади жители на Општина Кисела Вода, што им е потребно во близина на нивниот дом и училиште. Од него добија ветување дека нивните интереси и потреби секогаш ќе бидат во неговите приоритети на работење.