Моја специјалност се повредите на рбетниот столб кои настануваат при повреди, паѓање, собраќајни незгоди, како и промени на рбетниот столб кај постарите кои со самото стареење притискаат на дел од нервите и предизвикуваат проблеми.

Вака Д-р Игор Мерџаноски, хирург, супспецијалист, трауматолог на Клиниката за трауматологија, ја опишува својата работа во интервјуто за „Република“.

Докторот е горд што условите на неговата клиника се приближно на исто ниво како на клиниките во странство.

Нашата клиника веќе десетина години има формирано спинален центар кој што е само една гранка што ја работиме.Не е дозавршена од типот што ние ги згрижуваме пациентите со повредите на рбетниот столб, ги лечиме и скоро е приближно исто и лекувањето е скоро исто кај нас и во светските центри.

Но, листи за чекање и натаму има, вели докторот.

Не можеме да стигнеме да ги оперираме сите пациенти.Се трудиме, работиме и прекувремено, остануваме и повеќе отколку што треба за да излеземе во пресрет на пациентите. Но, не можеме да стигнеме затоа што сме ограничени од напливот на пациенти кои што доаѓаат.Другите центри во внатрешноста немаат средства и опрема за да згрижат вакви пациенти и тие доаѓаат кај нас.Ние сме само неколку хирурзи кои ја работиме спиналната патологија, се трудиме максимално.Имаме млад кадар кој сака да ја научи спиналната хирурија или хирургијата на рбетниот столб, но не можеме да постигнеме да ги згрижиме сите пациенти.

Д-р Мерџаноски се залага  да се направи Центар за постоперативна рехабилитација за повреди на рбетниот столб.

Немаме специјален рехабилитационен центар кој што послеоперативно кај нас би ги згрижиле тие пациенти.Постојат доста пациенти кои имаат сериозни повреди на рбетниот столб и после тоа бараат специјална нега.Немаме физикална терапија и ги праќаме дома, луѓето се снаоѓаат со донации за рехабилитација во странски центри-посочува Мерџаноски за „Република“.

Докторот нема дилема кој е главниот проблем со кој се соочува македонското здравство и оти е одливот на кадри и вработувањето на несоодветни кадри.

Конкретно во нашата клиника немаме таков проблем, докторите си ја вршат својата работа.На Клиниката за трауматологија сме петнаесеттина хирурзи и сите си ја работат својата работа како што треба, но на други места се вработувааат несоодветни кадри.Тоа ќе треба да се регулира со некакви закони или испити кој и каде што би работел.

Д-р Мерџаноски за „Република“ ги објаснува најчестите причини за повреди на рбетниот столб.

Повредите на рбетниот столб се најчести и најстрашни кај младата популација.Тоа се екстремните спортови кои ги практикуваат.Знаеме дека кај младата популација адреналинот е на високо ниво, сакаат да скокаат во базени, да возат мотори и велосипеди и да прават егзибиции.Со тоа може да настане повреди на рбетниот столб, посебно на вратниот дел при што може да настане одземеност.Затоа апелирам да внимаваат најмногу при скокањето во вода и во базени-советува познатиот трауматолог.