Црногорските пратеници до Џафери: Срам да ви е – терорист што пукаше во македонски полицајци (ВИДЕО)

Спикерот Талат Џфери присуствуваше на ратификацијата на Протоколот за членство на Македонија во НАТО, но за опозициските народни избраници во црногорското собрание, тој не беше добредојден.

Лидерот на Нова српска демократија Андрија Мандиќ рече дека неговата партија нема да го поддржи протоколот за пристапување на Македонија во НАТО и им приговараше на пратениците од ДПС, кои свечено го дочекаа Џафери.

„Тој е најпознат по носењето автомат и пукањето во македонски полицајци. Срам да Ви е – рече Мандиќ.

И пратениците Јован Вучуровиќ и Милун Зоговиќ му рекоа на Џафери дека бил член на терористичка организација.

Дел од црногосрките пратениции бараа да не се гласа за Протоколот за Северна Македонија во НАТО бидејќи е против волјата на граѓаните изразена на референдум.

На референдумот излегле вкупно 36,89 проценти, тоа е фијаско. Тоа не е неуспех! Значи, народот на Македонија го одби протоколот за кој ние денеска гласање и вие на нас во Црна Гора ни го претставувате ова како свечен чин и треба да учествуваме во верификација на ненародната волја во Македонија. Тоа е срамно, изјави пратеникот на Демократски фронт, Славен Радуновиќ.