Едно 17-годишно момче е тешко повредено кога автомобил марка „Форд Галакси“ со германски ознаки излетало од патот по што се превртело. Повредениот бил сопатник во возилото.

Тој со возило на Итната медицинска помош е пренесен на Ургентниот центар при комплексот клиники „Мајка Тереза“ – Скопје, а поради тежината на повредите е задржан на понатамошно лекување.

Несреќата се случила на улица „Александар Урдаревски“ во Скопје, кога 20-годишниот скопјанец Л.А. ја загубил контролата над возилото, по што излетал надвор од коловозот и се превртел.