Во врска со истакнувањето на албанското знаме на Самоиловата тврдина од Алијансата за Албанците изразуваат  загриженост во врска со реакцијата на Секторот за внатрешни работи – Охрид, што според нивни информации, двајца членови на групата посетители биле притворени од страна на полицијата.

„Истакнувањето на албанското национално знаме, според информациите со кои располагаме, не било насочено како провокација против никого, туку било дел од сценографијата на групата игроорци од Културно-уметничкото друштво на Арберешите. Истакнувањето на албанското национално знаме на Самуиловата тврдина претставува ниту законски прекршок ниту опасност за никого, особено кога се знае дека во Северна Македонија, Албанците сочинуваат една третина од населението и се автохтон народ“, се вели во реакцијата од Алијанса.

Според партијата на Зијадин Села кога станува збор за Албанците и нивните национални симболи, со жалење констатираат дека воопшто не се променила логиката и дискриминаторскиот менталитет, што било карактеристично за југословенскиот комунистички систем и истиот тој менталитет продолжува до денес.

„Алијансата за Албанците смета  дека овој инцидент воопшто не ѝ помага на државава во нејзината евроатланска определба и го поткопува имиџот на држава аспирант за членство во НАТО и во ЕУ“