Операта во Лос Анџелес, која ја предводи познатиот тенор Пласидо Доминго, во вторникот објави дека ќе „нарача адвокат да ги испита вознемирувачките обвинувања“ против славниот музичар, кој е обвинет за сексуално злоставување на девет жени.

Веруваме дека работниците и уметниците треба да бидат третирани со почит и да се чувствуваат безбедно на своето работно место“, се вели во соопштението за печатот издадено по објавувањето на истражувањето на новинската агенција Асошиејтед прес, во кое се детализирани обвинувањата за Пласидо Доминго.

Од своја страна, големиот музичар увери дека отсекогаш верувал дека интеракцијата што ја имал со жените била „доброволна“.

Во истрагата објавена во понеделникот од новинската агенција Асошиејтед прес, девет жени – осум пејачки и една танчарка – само едната од нив сакаше нејзиното име да се објави, се пожалија дека биле жртви на сексуално вознемирување од страна на шпанската оперска ѕвезда.

Обвинувањата на овие лица кои беа објавени во некои случаи пред 30 години се навистина вознемирувачки и неточни како што се појавуваат“, рече Доминго (78), маестро и генерален директор на Операта во Лос Анџелес, во соопштението за печатот, испратено од неговиот менаџер.

Деветте жени, цитирани во истрагата за АП, го обвинуваат Доминго дека ги малтретирал за период од 30 години од крајот на осумдесеттите. Едната се жали дека и ја ставил раката под фустанот, а другите три дека ги натерал да се бакнуваат едни со други. Седуммина од нив велат дека кариерата им погодила кога го одбиле, дека никогаш повеќе не би можеле да работат со него.