Директорот на Државниот пазарен инспекторат Стојко Пауновски вели дека пазарните инспектори ги чекаат новите законски решенија кои треба да бидат изгласани од Собранието, за да можат угостителските објекти што ги прекршуваат здравствените протоколи и сами да ги затвораат на 30 дена, и на лице место да изрекуваат парични казни. Дотогаш ќе мораат да работат по старите правила, односно само да изрекуваат кривични пријави.

На прашањето, пак, дали кога некој ќе направи прекршок ќе биде експресно санкциониран, бидејќи сведоци сме дека во изминатиот период одредени ресторани прават свадби, но за жал газдите не се казнуваат, Пауновски одговори дека овие денови, додека Собранието не ги донесе новите законски решенија каде што веднаш ќе пристапуваат кон празнење на угостителските објекти и кон затворање, тие ќе постапуваат согласно досегашната практика, односно поднесување на кривична пријава по членовите 205 и 206 за нарушување на протоколите.

На прашањето кога конкретно ќе дејствуваат, Пуновски со одговор дека Инспекторатот со досегашното законско решение нема право објектите да ги затвора доколку ги нарушуваат протоколите.

Нашата единствена надлежност е само да поднесеме кривична пријава до Јавното обвинителство, односно до соодветниот суд. Затоа и се донесени построгите мерки каде што можеме веднаш да го затвориме објектот до 30 дена, а и да изрекуваме на лице место парични казни со платни налози. За тоа ќе мораме да почекаме соодветното законско решение да биде донесено во Собранието и да излезе во Службен весник и веднаш истиот ден ќе постапуваме согласно новите законски прописи“, рече Пауновски на денешната пресконференција.

Додека излезе новото законско решение, Пауновски повика свеста на граѓаните да се издигне на највисоко ниво ако сакаме овие големи бојки на заразени да се намалуваат.

Ни една инспекција и полиција не може да излезе на крај ако некој сака да направи некој прекршок. Сепак, ние сме тука сето тоа колку што можеме да спречуваме, а кај некого ако не делуваат казните, не знам што друго да преземеме. Тоа е крајно немање свест кон другите граѓани“, рече Пауновски.

Тој, сепак, нагласи дека високите бројки на новозаразени не доаѓаат само од угостителските објекти.

Доаѓаат и од приватни забави во семејни куќи, викендици, паркови и насекаде каде можат да се заразат“, рече Пауновски.

Во регионот Битола, Прилеп и Ресен имало 550 контроли, во тоа оддление има 7 кривични пријави за нарушување на протоколите. Две пријави се за свадби и два нерегистрирани објекти, како и други санкции.