МЖ Транспорт ад Скопје го обнови возниот парк со нова електрична локомотива од кинеската компанија ЦРРЦ.  За пуштање во сообраќај на локомотивата железничкото претпријатие доби решение од  Управата за сигурност во железничкиот сообраќај.

Локомотива е дел од четирите електрични локомотиви што ќе пристигнат во текот на оваа година од производителот ЦРРЦ – Кина, а се дел од проектот за обновување на возниот парк на МЖ Транспорт АД-Скопје, финансиран од страна на ЕБОР и Владата, информираат од МЖ Транспорт.

Оттаму потенцираат дека набавката на локомотивите ќе го зголеми возниот парк што ќе доведе до скратување на времето на превоз на товарните вагони, доверливост во транспортот и зголемен обем на работа во нашата компанија.

Инвестицијата во новите локомотиви, според потпишаниот договор со ЦРРЦ, изнесува осум милиони евра. Од кинеската компанија претходно беа набавени и шест нови патнички гарнитури