Германскиот автомобилски гигант БМВ (BMW) “ќе треба да го  разгледа” преместувањето на производството на автомобили од марката “Мини” (Mini) надвор од Обединетото Кралство во случај  Велика Британија да ја напушти Европската унија без договор, изјави во вторникот членот на одборот на компанијата задолжен за марките “Мини” и “Ролс Ројс”, Петер Шварценбауер, цитиран од телевизијата Sky News.

Тој  потврди дека автомобилите “Ролс Ројс” ќе продолжат  да се произведуваат  во Велика Британија, без оглед на исходот од Брегзит, бидејќи тоа е британски луксузен  бренд.

Од друга страна, тој истакна дека сценарио без договор ќе биде “огромна тежина за брендот” Мини “и германскиот автомобилски гигант може да  го префрли производството на друго место. Во моментов моделот” Мини “се произведува во фабриката на БВМ во Кол – југоисточно од Оксфорд.

Во септември минатата година БМВ соопшти дека планира да затвори својата фабрика во Кол за производство на “Мини” најмалку за еден месец од 1-ви април  2019-та година, нагласувајќи дека е избран  овој период, за да се совпаѓа со планираното од Велика Британија напуштање на ЕУ (на 29-ти март) и “за да се минимизира ризикот од можно краткотрајно прекинување на испораките на автомобилски делови во случај на Брегзит без договор”.