Податоци на речиси 30 милиони корисници биле украдени во најголемиот хакерски напад на Фејсбук во историјата на оваа социјална мрежа, кој се случи пред две недели, потврди компанијата на Марк Зукерберг.

Кога беше откриен нападот, се претпоставуваше дека се украдени податоците на дури 50 милиони корисници. Во денешното соопштение се наведува дека на 29 милиони луѓе им се украдени имиња, имејл адресите и телефонските броеви.

Покрај тоа, на 14 милиони корисници им биле украдени повеќе податоци, како што се адресата на живеење, датумот на раѓање и адресите кои најчесто ги посетувале. Фејсбук ќе ги извести сите на кои им биле украдени податоците.

Од Фејсбук не го именуваа сторителот, но велат дека ФБИ „активно истражува кој го извршил нападот”.