На островот Сејмор, на Антартикот, палентеолози открија фосилни остатоци од огромен морски рептил, долг 11 метри од муцката до крајот на опашката. Се претпоставува дека тежел 15 тони, како и дека живеел пред неколку милиони години.

Најверојатно станува збор за еласмосаурус (подвид на плезиосаурус – огромен морски влекач, месождер, кој живеел пред околу 200 милиони години), за кој се знае дека живеел во Северна Америка во периодот креда.

Научниците тврдат дека ова е долгоочекуван доказ дека ова суштество некогаш пливало во океаните.

Со години беше мистерија. Воопшто не знаевме дали станува збор за еласмосауруси. Тоа е нова, невообичаена врста на плезиосауруси за која никој не знаеше“ изјави Хосе О’Горман од Националниот совет за научни и технички истражувања за Нешнл географик.

Фосилни остатоци од периодот креда и претходно се пронаоѓани на Антартик, но последно откриениот е еден од најкомплетните досега. Инаку, огромниот фосил за прв пат е забележан во 1989 година, но тогашната експедиција не располагала со ресурси да го откопаат, пренесува Лајф сајанс.

Огромниот фосил за прв пат бил забележан во 1989 година

Научниците потоа, на три пати, 2005, 2012 и 2017 година заминале на Антартик и вршеле ископувања за да ги извлечат фосилните остатоци тешки 800 килограми.

Фосилизираните коски се уште се склопуваат.