На патеката пред Македонската радио телевизија и Скопски саем, претстојниов викенд ќе се одржи Авто кружна трка Скопје 2018 во организација на АКК Примо авј во соработка со Град Скопје, Агенција за млади и спорт и Автомобилистичка федерација на Македонија.

Трката е дел од официјалниот календар за кружни патеки во домашниот шампионат, а се бодува и во календарот на ЦЕЗ (Централно Европска зона).

Официјалното отворање ќе биде в недела од 11 часот пред Судска палата, а старот на трката е закажан за в недела од 12 часот.

Тренинзите се предвидени за в сабота од 11 часот.

Се очекува учество на 35 домашни и 10 странски натпреварувачи.

Одржувањето на оваа трка ќе предизвика изменет сообраќаен режим, односно затворање на улицата што водат од крстосницата кај Мавровка до крстосницата кај Скопски саем.