Екс министерот за транспорт и врски, Миле Јанакиески и поранешниот генерален секретар на Владата, Кирил Божиновски  го нудат целиот имот со кој располагаат како гаранција за да излезат од притвор. Барањата денеска се доставени до судот. 

Очекуваме позитивен исход, бидејќи ова е доволна гаранција за судот да можат да се бранат од слобода и дека ќе бидат присутни во текот на целата судска постапка, како и до сега. Се работи за имот кој е стекнат како оставина од нивните родители, вели за Пресинг ТВ, адвокатката на  Јанакиески и Божиновски, Сања Алексиќ.

Ден по бегството на поранешниот премиер, Никола Груевски, Кривичниот суд  донесе одлука да им се одреди притвор, на барање на СЈО кое пак добило информации од УБК, дека двајцата се подготвувале за бегство.