Буџетските ограничувања и бирократската инерција ја загрозуваат иднината на Европското јавно обвинителство (ЕЈО), изјави за Политико Лаура Кодрута Ковеси, чиј седумгодишен мандат завршува утре.

„Се грижам дека ЕЈО ќе биде тивко уништено затоа што си ја врши работата“, рече Ковеси.

Таа додаде: „Кога ја напуштам мојата канцеларија, мислам на познатата данска ТВ серија „Борген“. Во неа има една многу позната изрека: „Во Брисел, никој не може да те чуе како врескаш“. За жал, тоа е вистина.“

Шефицата во заминување наведе три главни причини за нејзината загриженост: недоволно финансирање, одложувања во реформите и бирократски пречки. „

На хартија треба да имаме 230 европски делегирани обвинители, но имаме средства само за 180“, објасни таа.