Денеска е строг пост, но дали знаете што внесувате во себе кога  сардина или туна?

Морската риба генерално е многу здрава и богата со омега-3 масни киселини. Но, што е поздраво, туната или сардината?

Витамин Е и калциум

Сардините нудат повеќе витамин Е по порција од туната, а содржат и повеќе калциум. Витаминот Е игра улога во добрата циркулација на крвта со тоа што го поттикнува развојот на крвните елементи, а неговата антиоксидантна функција се бори против оштетувањето на ткивото. Калциумот ја подобрува комуникацијата помеѓу клетките, ја поддржува нервната функција и придонесува за силни коски.

Ако внесувате 170 g сардина дневно, ќе внесете околу 3,5 mg витамин Е, што е околу 23% од препорачаната дневна доза, додека треба да јадете повеќе од двојно повеќе туна за да внесете иста количина на витамин Е. Секоја порција сардина содржи околу 650 mg калциум, т.е. околу 65% од дневниот препорачан внес, додека една порција туна содржи само 22 mg од овој елемент.

Содржи жива

Живата е еден од најчестите токсини во производите од риба и е исклучително штетна за сите, особено за жените кои планираат да забременат, трудниците и децата. Максималното дозволено внесување на жива е 1,6 µg на килограм телесна тежина неделно! Зачудувачки е фактот што туната, во зависност од видот и местото на берба, содржи во просек околу 30 µg жива во 100 g конзервиран производ, а максимумот може да содржи дури два и пол пати повеќе. Спротивно на тоа, конзервираните сардини содржат околу 10 пати помалку жива, т.е. околу 3 µg во 100 g производ и тој сооднос е повеќе или помалку константен.
Витамин К

Доколку ви недостига витамин К, повеќе ќе најдете во туната. Овој витамин ни треба бидејќи игра клучна улога во згрутчувањето на крвта при повреди и во развојот на ‘рскавицата и коските. Една порција туна содржи околу 75 µg витамин К, што е околу 60% од препорачаната дневна доза и 83% за жените, додека една порција сардина содржи само 4,4 µg.

Заклучок

Вкусовите се различни и не треба да се дискутира, но нашата препорака дефинитивно се сардините, без разлика на ниската содржина на витамин К. Бидејќи зелениот зеленчук како што се аспарагус, кељ, зелка, спанаќ, блитва, брокула и сл. се одличен извор на овој витамин. кои одлично одат со сардини.