Иранската државна телевизија објави видео од маскирани поморски командоси како скокаат од хеликоптер во Оманскиот Залив на танкер што пренесува нафта во САД.

Иранските власти тврдат дека танкерот бил запленет откако се судрил со ирански брод, но нема докази за тоа . Досега Техеран ги користеше запленетите бродови како договор за пазарење во преговорите со Западот.

Видеото покажува како командоси се спуштаат на палубата на танкерот од хеликоптер во воздух користејќи јажиња. Се гледа еден командос со крената тупаница откако очигледно ја презел командата со бродот.

Петтата флота на американската морнарица соопшти дека запленетиот танкер е најмалку петти комерцијален брод запленет од Техеран во последните две години.