Ненад Периш, таткото на исчезнатиот Матеј Периш (27), минатата недела се врати во Сплит, по два и пол месеци поминати во Белград.

Тој истакна дека му било тешко да биде далеку од Белград, каде го загубил синот, но дека морал да се врати кај семејството и да работи.

Ненад откри и дека ја видел мајката на Матеј, неговата поранешна сопруга, која деновите ги поминува во молитва.

– Ја видов мајката на Матеј и можам да ви кажам дека и е најтешко. Првото нешто што ме праша беше: „Како си? Таа се посвети на молитвите и желбата да најде син. Шетавме и разговаравме за се. И кажав се што знам, но не го најдов нашето дете – вели Периш.

Истакна дека истото прашање му го поставиле и ќерките, а не поминал ни момент да не размислува за Матеј.

– Ќерките ме чекаа со истото прашање како и мојата поранешна сопруга: „Како сум?!“. На сите им кажувам дека не ми е важно. Дека секој родител на светот би го направил тоа што го правам јас. Не ми е лесно да морам да се вратам, но морав поради семејството и работата. Нема момент да не размислувам што се случи со мојот син и каде е. Морам да бидам реален. – вели Периш  постариот.