Владејачките социјалисти во Шпанија никогаш нема да прифатат референдум за самоопределување на Каталонија, централно барање од каталонските сепаратисти со кои Мадрид мора да ги продолжи разговорите во септември, рече премиерот Педро Санчез.

„Нема да има референдум за самоопределување“, рече тој, уверувајќи дека Социјалистичката партија, за која тој е генерален секретар, никогаш нема да прифати такви барања.

Со цел да се одржи референдум за самоопределување, „оние кои го сакаат тоа треба да можат да убедат три петтини од овој состав за да го изменат членот 2 од шпанскиот устав. И тогаш Шпанците мора да ја ратификуваат оваа промена на референдум”, нагласи премиерот.

Ваквата реформа на Уставот е невозможна, бидејќи трите најголеми политички сили во Парламентот (социјалистите, конзервативците од Народната партија и крајната десница на Вокс) се против.

Педро Санчез ја даде изјавата еден ден по неговата прва официјална средба со новиот каталонски регионален лидер, умерениот сепаратист Пере Арагонес.

По состанокот, каталонскиот политичар објави дека дијалогот меѓу Мадрид и сепаратистите, насочен кон изнаоѓање решение за кризата во регионот, ќе продолжи во третата недела од септември. Главното барање на сепаратистите е да се одржи референдум за самоопределување на богатиот североисточен шпански регион со 7,8 милиони жители