Од понеделник Град Скопје со низа активности ќе ја одбележи Европската недела на мобилност што годинава се одржува под мотото „Пешачи со нас – Сигурно пешачење и возење велосипед“.

Целта е да се поттикнат граѓаните да ги променат навиките и почесто да користат активни начини на движење или да го комбинираат пешачењето и возењето велосипед со користење јавен превоз.

Пред околу половина век, пешачењето и возењето велосипед го практикувале сите оние кои не можеле да си дозволат да поседуваат и користат автомобил. Меѓутоа, состојбата денес е поинаква и градовите повеќе не се во можност да го поднесат огромниот метеж од возила кои секојдневно ги загадуваат и заглавуваат улиците – велат од Град Скопје.

Активностите со кои ќе се одбележи Европската недела на мобилност ќе траат до 22 овој месец.