Државјанка на Мароко обвинета е дека го убила и зготвила својот љубовник, а после неговите посмртни останки ги послужила како оброк на пакистанските работници во Обединетите Арапски Емирати, соопштиле од обвинителството.
Обвинителите наведуваат дека Мароканката овој човек го убила пред три месеци, но злосторството било неодамна откриено, откако во блендерот во нејзината кујна бил пронајден човечки заб.
Државниот весник во ОАЕ „Нешнал, јавил дека таа го признала убиството во полиција, нарекувајќи го тој чин “момент на лудило“.
Против триеседгодишната Мароканка ќе биде покрената судска постапка.
Мароканката со жртвата била седум години во врска, а „Нешнл“ јавува дека го убила откако и соопштил дека планира да се венча со друга жена од Мароко, пренесува „БиБиСи“.
Полицијата не открила како е убиен мажот, но соопштила дека Мароканката неговите посмртни останки ги послужила како оброк за пакистанските работници, како дел од традиционалното јадење од ориз и месо.
Убиството на мажот бил откриено кога неговиот брат го побарал во неговата куќа во Ел Ајн, на границата со Оман и тогаш во блендерот пронашол заб.
Братот исчезнувањето го пријавил во полицијата, која со ДНК тест утврдила дека забот припаѓал на жртвата.
Полицијата соопштила дека Мароканката прво изјавила дека својот љубовник го истерала од куќата, но подоцна го признала убиството, како и тоа дека повикала пријател да и помогне да го исчисти станот после убиството.
Обвинетата е испратена во психијатриска болница.
Comments are closed for this post.