Поради навивачката пресметка што се случи пред неколку дена во кафуле во Вишњичка бања во Белград, во која пет лица беа ранети од истрели, вчера беше уапсен Лазар Маринковиќ, познат како Луцифер, водачот на навивачката група на Партизан Анти Рома, додека се бара неговиот брат Страхиња Маринковиќ!

Покрај Луцифер, уапсено е уште едно лице, а уште неколку други осомничени за поврзаност со овој настан се уште се бараат.

Уапсениот Лазар Маринковиќ Луцифер доби дозвола да се движи, бидејќи моментално е во домашен притвор со „наногица“.

 Водачот на Анти Рома беше уапсен во 2022 година за трговија со дрога. Тој беше суден пред Специјалниот суд во Белград, кој го осуди него и неговата криминална група на вкупно 73 години затвор. Сепак, Апелациониот суд ја поништи таа пресуда и нареди ново судење, кое започна во мај оваа година. Во мај, притворот на Маринковиќ, во кој беше држен околу три години, беше заменет со домашен притвор со електронска алка. 

Навивачката група на Партизан, Анти Роми, некогаш тесно соработувала со навивачката група Принципи, која ја предводеше Вељко Беливук до неговото апсење во 2021 година.