Црногорските истражни органи ја открија содржината на разговите меѓу Слободан Кашчелан и неговиот шеф Радоје Звицер, предводници за Кавачкиот клан. Тие преку шифрирани телефони договарале транспорт на дрога но и лица кои треба да бидат ликвидирани.

Еве како течела нивната комуникација

– Ектор, имам дечко што сака да работи, ме праша дали ја имаме таа линија.

– Гана, Луана Ангола, Понте Ноаре, Алгесирас, Антверпен, Тангмед (Мароко) Тоа е неговата линија.

– Неговиот брод се вика Калабрија. Ќе оди сега на 20-ти февруари треба да биде.

– Ако жабарите дојдат во Рим ќе се обидам да ги добијам парите овде за 4-5 дена.

– 140ч го подготвија жабарите за да може грингото да најде некој да го пренесе во Амстердам.

– До кога мора да бидат парите во Амстердам за да се испратат во Еквадор да се пополнат.

-Брат вака се збркав, жабарите се во понеделник во Рим, не можам порано, а возачот ќе биде таму во недела навечер да ги собере парите и да испрати се во Загреб, а ако е трансферот. до Загреб, парите ќе ги добијам истиот ден“.

Црногорските истражители од партнерската служба од Европската унија примиле повеќе од милион пораки разменети од локални криминалци преку шифрираната апликација „Скај“. Меѓу луѓето кои разменувале пораки имало и оние со полициски значки, како и високи функционери на јавната и тајната полиција. Еден од нив го користел прекарот „Кардинал“, а другиот „Комита“.