Нов лидер на единствената македонска партија во Албанија,Македонска алијанса за европска иднина, МАЕИ, од денеска е Васил Стерјовски.

Едногласна одлука за тоа донесоа делегатите на третиот конгрес на партијата одржан во просториите на Националниот историски музеј во Тирана.

Триесет и седум годишниот докторант на Институтот за национална историја во Скопје до сега ја обавуваше функцијата генерален секретар на партијата. Тој е прв пратеник во албанскиот Парламент од македонската партија и прв пратеник кој јавно се декларира како Македонец.

Заблагодарувајќи се на дадената доверба Стеровски рече дека функцијата претседател на Македонска алијанса за европска интеграција ја смета за одговорна функција која бара многу напор.

Македонска алијанса за европска интеграција во моментот е во многу лоша состојба. Комитетите не ни фукционираат, немаме ниту една канцеларија. Македонската партија мора да има главна канцеларија во Тирана, и најмалку три канцелари во Мала Преспа, Голо Брдо и Гора. Не сакам да навлегувам зошто сме дојдени до оваа ситуација. Сите што сме биле дел од структурите на Македонската партија, кој повеќе кој помалку, имаме дел од вината што сме во оваа ситуација, истакна Стерјовски.

Тој упати апел до сите активисти на Македонска алијанса за европска интеграција дека е време за обединување.

Да ги оставиме зад нас кавгите и недоразбирањата. Интересите на Македонците во Албанија бараат да бидеме обединети. На Македонците во Албанија им треба силна Македонска партија.  Апелирам до сите Македонци кои членуваат во албански партии да се вклучаат во редовите на Македонска алијанса за европска интеграција. За сите има место!

Делегати на Конгрсот кои ги имаше од сите делови на Албанија каде што живеат Македонци досегашниот лидер Едмонд Темелко го избраа за почесен претседател на партијата. Беше избран Централен комитет кој набрзо на првата седница треба да  избере потпретседатели и генерален секретар на партијата.

На Конгресот усвоена е Резолуција за унапредување на положбата,правата и слободите на Македонците во Република Албнија.