Цело време од почеток на ковид пандемијата па до денеска Христијан Мицкоски и ВМРО-ДПМНЕ се на погрешната страна, седат на страна, шират невистини и плукаат, пишува во соопштението до јавноста испратено до владејачката СДСМ по откажувањето на примопредавањето на вакцините од Србија.

Додека Филипче, заедно со сите здравствените работници се бореше да обезбеди маски, заштитни, тестови Мицкоски јавно излажа дека нема доволно тестови, дека немало доволно заштитна опрема. Додека Мицкоски кршеше мерки, одеше кришум по кафеани и теретани, додека ВМРО-ДПМНЕ организираше јавни собири здравствените работници деноноќно се бореа против коронавирусот. ВМРО-ДПМНЕ дури и си поигруваа и се потсмеваа со судбините на починатите и заболените. „Дај боже повеќе да се разболат”, „Вирусот не е опасен”, „Маски воопшто не се потребни”, „Нема да има есенски бран”, Ова е односот на ДПМНЕ кон граѓаните и вирусот. Оттука, единствено кога се зборува за однесувањето на Мицкоски може да се каже дека тоа се епски глупости, пишува во соопштението на СДСМ.

И покрај глобалните предизвици и покрај тоа што сите земји во Европа се соочуваа со притисокот за набавка, а производителите за производство на вакцини, вакцините се обезбедени, имунизацијата како последен чекор во борбата против коронавирусот, започнува наскоро, колку и тоа да не му се допаѓа на Мицкоски, завршува соопштението испратено од Центарот за комуникации со јавноста на СДСМ.