Помалиот син на премиерот Христијан Мицкоски е хоспитализиран, тој е едно од затруените деца во „Димо Хаџи Димов“

Помалиот син на македонскиот премиер Христијан Мицкоски, Антониј, е еден од потешко затруените ученици од скопското основното училиште „Димо Хаџи Димов“ населбата Влае во општината Карпош, објави „НетПрес“.

Како што објавува порталот, тој бил хоспитализиран и два дена е во болница со симптоми на труење и зголемена телесна температура. Моментно, тој е во подобра здравствена состојба.

Инспекциските служби на Агенцијата за храна и ветеринарство (АХВ), во координација со Државниот санитарен и здравствен инспекторат, Институтот за јавно здравје и Центарот за јавно здравје, спроведуваат вонреден инспекциски надзор во кујната на ООУ „Димо Хаџи Димов“. Надзорот следува по утринското известување дека поголем број ученици пријавиле стомачни болки.