Потрагата по скопјанката Даниела Пецевска заврши трагично. Нејзиното безживотно тело, е пронајдено во реката Вардар.

Од МВР  информираат дека телото кое вчера во 13:10 часот беше извлечено од водите на Вардар кај железничкиот мост во Горно Лисиче е на исчезнатата Даниела од Драчево.

Идентификувано е телото кое вчера беше пронајдено во водите на Вардар, се работи за 40- годишната Д.П. која беше исчезната на 11.02. 2019 година. Завршена е и обдукцијата, нема траги од насилство, велат од МВР

Семејство на Даниела пет  дена трагаше по неа откако беше пријавена за исчезната. Нејзиниот сопруг и блиските бараа помош и преку социјалните мрежи. Се шпекулираше дека била видена во Битола. Била вработена како медицинска сестра во Клиниката за гинекологија, мајка на три деца.