Врховниот суд го уважи барањето на поранешната министерка за внатрешни работи Гордана Јанкулоска да ѝ се одложи затворската казна и решението го испратиле до Кривичниот суд.

Издржувањето на затворската казна се одлага додека Врховниот суд одлучи по поднесените барања за вонредно преиспитување на правосилната пресуда.

Јанкулоска првично беше осудена на затворска казна од шест години за набавката на луксузниот „мерцедес“, а Апелацискиот суд и ја намали на четири години. На издржување на казната затвор за случајот „Тенк“ требаше да оди на 1 јули.