Охрид останува високо на листата градови со нови случаи на Ковид 19. Според информациите од Министерството за здравство само во изминатите 10 дена регистрирани се 248 новозаболени лица. Растат бројките и на хоспитализирани. 90 пациенти од кои 50 на кислородна поддршка моментално се лекуваат во охридската болница. Претежно се млади лица.

Британскиот сој на вирусот коси во Охрид. Дневно во болницата се трошат и по 60 боци на кислород, додава Балевски. Полна е модуларната болница, интерното одделение и геријатрија, ќе се преадаптираат и други оддели, а моментално слободни се уште 10 кревети.

Од почетокот на пандемијата во Охрид се регистрирани 3.655 случаи на лица заболени од COVID-19, од кои во моментов активни се 488.