Антикорупциската комисија следната година ќе ја чешла имотната состојба на 15 градоначалници, државни функционери, но и претседателите на Управните судови, кои изостанаа оваа 2020 година.

ДКСК го усвои планот за работа за следната година. Засега не се познати кои се градоначалници ќе поминат низ филтерот на Антикорупциска. Единствено е познато за скопскиот градоначалник, Петре Шилегов.

Процесот на проверка ќе биде исто како и порано, односно ќе се гледаат и претставки добиени од граѓаните.

Претседателката Билјана Иванова рече дека ова чешлање ќе биде во пресрет на локалните избори кои треба да се одржат во октомври следната година.

Антикорупциска го усвои и Планот за јавни набавки. 54 милиони денари ќе се издвојат за стоки и услуги, а најголем дел од овие пари се за набавка на нов софтвер.