Албумот Тафталиџе шафл е комплетно авторско дело на Стефановски на кој се сместени 9 наслови, снимени во Студио Езотерија. Од неодамна, иако во ограничени количини, двата формати се достапни и за македонската публика во салонот АУДИОКУЛТУРА во Аеродром.

Издаден од Croatia records, на ЦД и Винил, Тафталиџе шафл е албум кој го понесе епитетот најемотивниот албум кој Влатко го снимил и дефинитивно албум кој направи значајно комерцијално и културно враќање на винил форматот во Македонија.

Влатко со задоволство стави свој потпис на дел од ЦД и Винил примероците. Срдечно пристапувајќи кон овој финален допир на делото, Влатко останува блиску до своите слушатели, а тие пак имаат незаменлива можност во своите колекции на дела со трајни вредности да додадат и дело со посвета од еден од најголемите музичари во Македонија и светот.

извор: Фактор