WIZI Taxi официјално склучи франшизно партнерство со познатата скопска такси компснија Наше Такси. Од денес, повеќе од 300 возила возат под брендот WIZI во Скопје, што ја прави оваа соработка една од најголемите и најмодерните такси мрежи во градот.

Партнерството е дел од регионалниот раст на WIZI, кој денес работи во повеќе од 25 градови во Хрватска, Словенија и Македонија, и дополнително ја потврдува својата позиција како водечки модерен такси бренд.

Побрза и подостапна услуга за граѓаните на Скопје

Благодарение на поголемиот возен парк, корисниците во Скопје можат да очекуваат пократко време на чекање, со пристигнување на возило за помалку од 5 минути во просек, како и униформен висок стандард на услуга.

Патниците имаат пристап до сите клучни предности на системот WIZI – едноставно нарачување преку апликацијата, јасни и транспарентни цени, следење на возилата во реално време, безбедни методи на плаќање и професионална поддршка за корисници.

„Ова партнерство е важен чекор кон нашата визија за создавање на најсовремена и најсигурна такси услуга во Македонија“, изјави Владимир Миновски, извршен директор на WIZI.

Нов момент за локалната такси индустрија

За Наше Такси, соработката со WIZI означува влез во ново поглавје на дигитална трансформација и модернизација на бизнисот, со значително намалување на оперативните трошоци.

„WIZI носи технологија, јасни стандарди и искуство што денес прави разлика. Со здружување на силите, создаваме постабилен систем за возачите и подобро искуство за патниците“, рече Гоце Јаневски, сопственик на Наше Такси.

Возачите во мрежата на WIZI имаат пристап до модерна дигитална платформа што ги оптимизира нивните трошоци и секојдневна работа. Системот им ги доделува најблиските возења, што го намалува празниот од, овозможува повеќе возења во текот на денот и побрзо доделување повици. Со поголем обем на работа, возачите имаат постабилна и попредвидлива работа, што дополнително придонесува за ефикасност и задоволство во секојдневното работење.

Ново поглавје во урбаната мобилност

Партнерството помеѓу WIZI и Наше Такси означува почеток на поширока трансформација на пазарот на такси во Скопје. WIZI најавува понатамошни инвестиции во технологија, зголемување на бројот на возила и постојано подобрување на корисничкото искуство, со што дополнително ја зајакнува својата позиција како лидер во модерниот такси превоз во земјата и регионот.

Комерцијална објава